Rinovimi i bllokuar, Iniesta kërkon të njëjtën pagë
26/12/2016 00:00
VIDEO/ Dygolësh brenda pak minutave, Seferi feston në Emiratet e Bashkuara Arabe 26/04 17:41
Vitet i kanë ndryshuar vetëm moshën sepse klasi i tij mbetet i lartë dhe padyshim ai është një nga ata lojtarët që vijnë rrallë në botën e futbollit.
Andres Iniesta, ylli i Barcelonës dhe kombëtares spanjolle, që është në kufirin e 33 viteve është vënë në qendër të medias për shkak të rinovimit të kontratës.
Dhe rinovimi duket se nuk do të jetë i lehtë për katalanasin, të paktën sipas asaj që zbulon e përditshmja spanjolle “AS”.
Vetë mesfushori nuk ka shprehur asnjë shenjë lëkundje që karrierën ta mbyllë tek Barcelona, por ai ka shpalosur kushtet e tij.
Iniesta dëshiron që edhe me kontratën e re të vazhdojë të jetë futbollisti i dytë më i paguar, pas Messit, që do të ishte një sforco goxha e madhe për drejtuesit e klubit katalanas.
Në fakt mungesa e herëpashershme e Iniestës gjatë muajve të fundit i ka bërë të lëkunden drejtuesit e Barcelonës, ndaj janë duke parë njëkohësisht edhe për zëvendësuesin e tij.
Top Channel
