“Policia ka kontaktuar Europolin”/ Videot intime në rrjet, gazetari Harlicaj në Top Story: Viktimat po trajtohen me qetësues, të përfshirë edhe biznesmenë 01/10 21:25
Skema e ngjyrave
Madhësia e shkrimit
Kryeministri Edi Rama priti katër ditë për t’iu dhënë përgjigje të gjithë kundërshtarëve të tij politikë në Tiranë, që deklaruan se nuk e kishte takuar Presidentin amerikan, Donald Trump, dhe liderë të tjerë të nivelit të lartë, gjatë vizitës zyrtare në Shtetet e Bashkuara të Amerikës, fundjavën që lamë pas.
Gjatë vizitës në SHBA, ku mori pjesë në Asamblenë e Përgjithshme të Organizatës së Kombeve të Bashkuara, kreu i qeverisë, Edi Rama, dhe bashkëshortja e tij, zonja Linda Rama, kanë zhvilluar një takim me kreun e Shtëpisë së Bardhë, me të cilin kanë shkrepur edhe një foto. Në foton e publikuar mbrëmjen e të enjtes, kryeministri Rama nuk i kursen ironitë për ata që hodhën dyshime për takimin.
“Meqë s’e takova dot, siç thanë ata që çfarë nuk thonë, po asgjë s’bëjnë e s’na bëjnë dot, u detyrova ta bëj me IA. Po thuajuni atyre të bëjnë kujdes, se dro del që s’është IA dhe dalin prapë si kokrrat e kandarit”.
Kryeministri Edi Rama ishte në Shtetet e Bashkuara të Amerikës në një vizitë disaditore, ku mori pjesë në punimet e Asamblesë së Përgjithshme të Organizatës së Kombeve të Bashkuara.
Gjatë vizitës, kryeministri Rama zhvilloi edhe disa takime me komunitetin shqiptar në shtete të ndryshme të SHBA-ve. Takimi i Ramës me Trump vjen në një kohë kur opozita ka ngritur pretendime për një ftohje të raporteve mes kryeministrit me administratën amerikane.
Top Channel
