“Nuk pres falje”, zbardhet mesazhi i autorit të sulmit në Shtëpinë e Bardhë, 31-vjeçari kishte paralajmëruar familjen para të shtënave 27/04 09:29
Një incident me të shtëna ka tronditur mbrëmjen e së shtunës në Uashington DC, gjatë Darkës së Korrespondentëve të Shtëpisë së Bardhë. Sipas autoriteteve, një person i armatosur hyri në hollin e hotelit “Washington Hilton”, duke shkaktuar panik mes të pranishmëve.
Presidenti i SHBA-së, Donald Trump, deklaroi për CBS News se nuk ishte ndjerë i shqetësuar gjatë incidentit. “Nuk isha i shqetësuar. Jetojmë në një botë të çmendur”, u shpreh ai.
Ngjarja ndodhi rreth orës 20:35 me orën lokale, kur i dyshuari hyri me armë në ambientet e hotelit dhe u dëgjuan të shtëna. Agjentët e Shërbimit Sekret ndërhynë menjëherë, duke evakuuar presidentin dhe anëtarët e kabinetit.
Gjatë përplasjes, një oficer i Shërbimit Sekret mbeti i plagosur, por raportohet se është jashtë rrezikut për jetën dhe pritet të rikuperohet plotësisht.
I dyshuari është identifikuar si Cole Tomas Allen, 31 vjeç, nga Kalifornia, i cili pritet të dalë sot para gjykatës në Uashington për t’u përballur me akuzat.
Ndërkohë, vizita shtetërore e Mbretit Charles III në SHBA do të zhvillohet sipas planit. Buckingham Palace bëri të ditur se ai pritet të mbërrijë në Uashington pasditen e sotme, me disa ndryshime të vogla në axhendë për arsye sigurie.
Top Channel
