Irani bën një hap pas, tregohet i gatshëm të marrë pjesë në raundin e dytë të bisedimeve me SHBA 20/04 15:03
Shërbimi Federal i Sigurisë i Rusisë (FSB) njoftoi se ka arrestuar një grua 57-vjeçare nga Gjermania, e cila dyshohet se mbante në çantë një pajisje shpërthyese me fuqi të barabartë me rreth 1.5 kg TNT dhe synonte një ndërtesë policie në rajonin e Stavropol.
Sipas autoriteteve ruse, ngjarja lidhet me një operacion që dyshohet të jetë planifikuar nga shërbimet e inteligjencës ukrainase. Në një video që qarkullon në rrjetet sociale, gruaja shihet e shtrirë në tokë në një parking, ndërsa oficerët e policisë i drejtojnë armët dhe një çantë shpine ndodhet pranë saj. Më pas, ekspertët piroteknikë kryejnë një shpërthim të kontrolluar të çantës.
🇷🇺🇩🇪 Russia arrested a German woman after catching her near a law enforcement facility in Pyatigorsk with a bomb in her backpack.
The FSB claims she was working for Ukrainian intelligence.
A second suspect who was allegedly supposed to detonate it remotely was also arrested. https://t.co/3b6HVQRd3h pic.twitter.com/OwET2owKhV
— Mario Nawfal (@MarioNawfal) April 20, 2026
FSB bëri me dije gjithashtu se është arrestuar edhe një burrë, i lindur në vitin 1997 dhe me origjinë nga Azia Qendrore, i cili dyshohet se vepronte në emër të një organizate terroriste dhe ishte gati të aktivizonte bombën. Sipas deklaratës, veprimet e tij ishin koordinuar nga persona të lidhur me shërbimet speciale ukrainase, të cilët dyshohet se ishin paraqitur si anëtarë të një organizate ndërkombëtare të ndaluar në Rusi.
Deri tani, nuk ka pasur asnjë reagim zyrtar nga pala ukrainase lidhur me këto akuza.
Top Channel
