Pas dy gabimeve trashanike ndaj Atletico Madrid, De Gea del në mbrojtje të portierit të Tottenham 11/03 00:40
Fiorentina gjeti forcë për të kaluar dhimbjen për ndarjen nga jeta të presidentit Rocco Commisso pas një sëmundje të rëndë dhe mposhti Bolognën në Derbin e Appenino në sfidën e javës së 21 të Serie A.
Në stadimun Dall’Ara, skuadra violë iu imponua asaj të drejtuar nga Vincenzo Italiano duke e mundur me rezultatin 2-1 duke e nderuar në mënyrën më të mirë të mundshëm kujtimin e presidentit të saj. Derbi i Appenino nisi me një minutë heshtje dhe më pas skuadrat nisën lojën me Fiorentinën që gjeti golin e avantazhit në minutën e 17 me Ndour, por ky gol u anulua për pozicion jashtë loje të Parisit në fillim.
Fiorentina, pas këtij episodi i rinisi sulmet dhe dy minuta më vonë e mori me të vërtetë avantazhin me golin e Mandragora që shënoi pas një asisti të Gudmundsson me autorin e golit që ekspozioi një fanelë me emrin Rocco të stampuar mbi të, një dedikim për Commisso. Bologna ishte e pafuqishme dhe nën presionin e skuadrës kundërshtare që në minutën e 45 shënoi sërish këtë radhë me Piccoli dhe rezultati shkoi në 2-0.
Në këtë pikë, Italiano tentoi të shkundë të tijët duke bërë 4 zëvendësime në pushim të ndeshjes duke aktivizuar Zortea, Moro, RoWe dhe Fabbian. Por ishte Fiorentina që iu afrua golit të tretë në minutën e 52 me Pongracic. Minutat e fundit të ndeshjes ishin të ndezura me Rowe që në minutën e 85 goditi shtyllën, ndërsa në të 88 ai dha asist për Fabbian që shkurtoi diferencën në 2-1. Në sekondën e fundit Cambiaghi iu afrua golit të barazimit, por në fund ndeshja u mbyll 2-1 për Fiorentinën që pas këti suksesi shkon në kuotën e 17 pikëve duke vijuar betejën e saj për mbijetesë në Serie A, ndërsa Bologna mbetet me 30 pikë me skuadrën bolonjeze që regjistron humbjen e 7 në kampionat.
Top Channel
