Chelsea është skuadra tjetër që kualifikohet për në gjysmëfinale të FA Cup. Në Stamford Bridge, Blutë e Londrës eliminuan në çerekfinale Port Vale duke e mundur me rezultatin e thellë 7-0 në një ndeshje që nuk kishte histori.
Skuadra e drejtuar nga Liam Rosenior e vulosi paraprakisht kualifikimin që në pjesën e parë të cilën e fitoi me rezultatin 3-0. Festivali i golave për Chelsea u hap që në minutën e 2 kur Jorrel Hato zhbollokoi rezultatin në 1-0 për londinezët.
Në minutën e 25 erdhi edhe goli i dytë për Chelsea i shënuar nga Joao Pedro. Pak para fundit të pjesës së parë, një autogol i Lawrence-Gabriel bëri që rezultati të shkojë 3-0 për Chelsea dhe me këto shifra shkuan në pushimin e sfidës.
Në 45 minutat e dyta, Chelsea nuk e hoqi këmbën nga gazi dhe shënoi edhe 4 herë të tjera Adarabioyo shënoi golin e katërt për londinezët, gol që u shoqërua nga ai i Andrey Santos dhe Estevao që e cuan rezultatin në 6-0. Ai që vulosi përfundimisht fitoren 7-0 të Chelsea ishte Alejandro Garnacho që ekzekutoi saktë një 11 metërsh.
Top Channel
