Bashkëpunonin me zyrtarët grekë për shpërndarjen e drogës, 9 të arrestuar në Greqi, mes tyre 4 shqiptarë 22/11 15:32
Tubimi i fundit i Donald Trump të shtunën ishte në Karolinën e Veriut, në qytetin Greensboro.
Ky shtet votoi për Trump në zgjedhjet presidenciale të 2016 dhe 2020.
Ai e filloi duke thënë se do të rikthente “ëndrrën amerikane” dhe pretendoi se kishte mbajtur “tubimet më të mëdha në historinë e çdo vendi”.
Në një fjalim që zgjati gati 90 minuta, ai përmendi “lajmet e rreme” dhe e quajti Kamala Harris një “gënjeshtare”. Trump vazhdoi duke e përshkruar SHBA-në si një “vend të pushtuar” dhe tha se zgjedhjet e së martës do të ishin “dita e çlirimit në Amerikë”.
Në një moment, ai u distancua nga Project 2025, një “listë dëshirash” për presidentin e ardhshëm republikan që propozon të zgjerojë pushtetin presidencial dhe të imponojë një vizion ultra-konservator shoqëror, duke thënë se “nuk e kam lexuar kurrë, nuk dua ta lexoj”.
Trump tha se, nëse fiton zgjedhjet presidenciale, ai do të “ulë shpejt inflacionin” duke i dhënë fund “luftës së Kamalës kundër Energjisë Amerikane”.
“Dhe do të nxjerrim naftë, naftë pa ndalur”, shtoi ai.
Si Harris, Trump gjithashtu i nxiti njerëzit të votojnë: “Kur je duke fituar me shumë, mund të humbasësh edhe me pak. Çdo problem me të cilin përballemi mund të zgjidhet, por tani fati i kombit tonë është në duart tuaja“, i tha ai turmës.
“Është në duart tuaja. Ju do t’i thoni (Harris) se keni mbaruar me të… ti je zëvendës-presidentja më e keqe në histori, je e tmerrshme në atë që bën, e ke shkatërruar vendin tonë. Kamala, je e pushuar“, shtoi Trump.
Top Channel
