Ndërron jetë në moshën 70-vjeçare vëllai i Michael Jackson/ Si grupi “Jackson 5” ‘pushtoi’ zemrat e amerikanëve 16/09 11:54
Një natë e hidhur për aktoren Nicole Kidman, të cilën juria e Festivalit të Filmit në Venecia e njohu me çmimin Volpi Cup për aktoren më të mirë për interpretimin e saj në Babygirl. Një çmim që australiania nuk e mori, por përkundrazi ia dërgoi në emër të saj Halina Rein, regjisores së filmit.
Aktores iu desh të largohej nga qyteti italian për shkak të vdekjes së nënës së saj , Janelle.
“Sot mbërrita në Venecia dhe pak pasi mora vesh se nëna ime e bukur dhe e guximshme Janelle Ann Kidman ka vdekur”, lexoi regjisorja për të njoftuar se aktorja kishte vendosur të udhëtonte për të shoqëruar familjen dhe për t’i dhënë lamtumirën nënës së saj.
Jeanelle Ann Kidman, e cila vdiq në moshën 84-vjeçare, ishte një model për vajzën e saj, veçanërisht kur ajo u diagnostikua me kancer në gji në mesin e viteve ‘80.
Janelle, e cila kapërceu një betejë me kancerin e gjirit në vitin 1985, e frymëzoi aktoren të përfshihej në kauza që lidhen me shëndetin e grave.
“Ky çmim është për të. Ajo më formoi, më udhëhoqi dhe më bëri ky që jam. Jam më shumë se mirënjohës që mund ta them emrin e saj përmes Halinës”, thuhej në mesazh.
Top Channel
