Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Më shumë se 40,000 palestinezë janë vrarë si rezultat i sulmit ushtarak izraelit në Gaza, që nga sulmi i 7 tetorit të udhëhequr nga Hamasi ndaj Izraelit, thotë ministria e shëndetësisë e drejtuar nga Hamasi.
Ky numër është i barabartë me rreth 1.7% të popullsisë. Krahas viktimave, analiza e imazheve satelitore tregon se gati 60% e ndërtesave në Gaza janë dëmtuar ose shkatërruar që nga fillimi i luftës.
Në muajt e fundit, qyteti jugor i Rafah ka pësuar dëmtimin më të madh, tregojnë imazhet. Shifrat e ministrisë së shëndetësisë për numrin e të vrarëve nuk bëjnë dallime mes civilëve dhe luftëtarëve.
Shumica janë fëmijë, gra ose të moshuar. Këtë muaj, ushtria izraelite tha se më shumë se 15,000 “terroristë” ishin vrarë gjatë luftës.
Në të kaluarën, shifrat nga Ministria e Shëndetësisë e Gazës (MSH) përdoreshin gjerësisht në kohë konflikti dhe shiheshin si të besueshme nga OKB-ja dhe institucionet ndërkombëtare.
OKB-ja tani i citon këto shifra, me zyrtarë që i raportojnë ato dhe theksojnë se ekipet e tyre në Gaza nuk mund t’i verifikojnë në mënyrë të pavarur për shkak të kushteve në terren.
Izraeli vazhdimisht ka vënë në pikëpyetje besueshmërinë e informacionit. Në maj, Ministri i Jashtëm Israel Katz e përshkroi atë si “të dhëna të rreme nga një organizatë terroriste”.
Disa ekspertë kanë thënë se numri aktual i njerëzve të vrarë si rezultat i drejtpërdrejtë i luftës në Gaza mund të jetë shumë më i lartë, me zyrtarët lokalë që vlerësojnë se rreth 10,000 trupa mbeten nën rrënojat e ndërtesave të goditura nga sulmet ajrore izraelite.
Dhe madje edhe me ndalimin e luftimeve, studiuesit theksojnë se përveç numrit të njerëzve të vrarë si rezultat i drejtpërdrejtë i luftës, shumë të tjerë mund të vdesin nga shkaqe indirekte, si sëmundjet dhe uria.
Top Channel
