Kryeministrin japonez e zë gjumi gjatë rizgjedhjes së tij, fotot bëjnë xhiron e botës 12/11 10:10
Margot Robbie është shtatzënë! Pas tetë vitesh martesë me aktorin dhe producentin Tom Ackerley, aktorja e “Barbie” është në pritje të fëmijës së saj të parë.
Lajmi vjen pasi paparacët e ndryshëm publikuan imazhe të Robbie-t ku shfaqej me barkun e rrumbullakosur teksa po pushonte në liqenin e Komos, në Itali, nën shoqërinë e bashkëshortit të saj. Pasi fotot u bënë virale, një burim i afërt me çiftin konfirmoi shtatzëninë për revistën PEOPLE.
Historia e dashurisë së Margot Robbie përfshin emra si Henry Aitken dhe Alexander Skarsgard. Megjithatë, Tom Ackerley ishte ai që rrëmbeu zemrën e saj. Aktorja u takua me bashkëshortin e saj aktual në një set filmi në vitin 2013. Në atë kohë, Robbie ndiqte objektivin e kamerës me performancën e saj, ndërsa Ackerley punonte në prapaskenë.
Herën e parë që Ackerley dhe Robbie u kryqëzuan, ajo nuk po kërkonte një lidhje romantike, kështu që gjithçka mbeti një miqësi. Megjithatë, me kalimin e kohës, lidhja miqësore u shndërrua në diçka më shumë.
“Unë isha vajza më e mirë beqare. Ideja e marrëdhënieve më bëri të vjellë”, ka rrëfyer Robbie për revistën Vogue. “Dhe më pas më ndodhi kjo. Ne ishim miq për kaq shumë kohë. Unë kam qenë gjithmonë e dashuruar me të, por kam menduar: ‘Oh, ai nuk do të më donte kurrë.’ Mos e bëj të çuditshme, Margot. Mos u bëj budallaqe dhe thuaj që të pëlqen.’ Dhe më pas ndodhi, dhe unë thashë: ‘Sigurisht që jemi bashkë. Kjo ka kaq shumë kuptim, sa asgjë nuk e ka bërë më parë,” shtoi aktorja 34-vjeçare.
Top Channel
