Histori frymëzuese! Pasi askush nuk e merrte në punë, 31-vjeçarja me sindromën Down krijon biznesin e saj të biskotave 20/09 20:24
Gjykata Ndërkombëtare Penale (ICC) ka lëshuar një urdhër arresti për ish-ministrin rus të Mbrojtjes Sergei Shoigu dhe shefin e Shtabit të Përgjithshëm Valery Gerasimov për krime të dyshuara ndërkombëtare, krime lufte dhe krime kundër njerëzimit.
Gjykata tha të martën se dyshja dyshohet se ishin përgjegjës për dy krime lufte: drejtimin e sulmeve ndaj objekteve civile dhe shkaktimin e dëmeve ndaj civilëve ose dëmtimin e objekteve civile. Ata akuzohen edhe për krime kundër njerëzimit.
ICC tha se krimet e supozuara lidhen me “një numër të madh goditjesh kundër shumë termocentraleve dhe nënstacioneve elektrike” që u kryen nga Rusia në të gjithë Ukrainën midis tetorit 2022 dhe të paktën marsit 2023.
Dy urdhër-arrestet e çojnë numrin e përgjithshëm të zyrtarëve të lartë rusë të kërkuar për krime lufte në katër, pasi GJNP ka lëshuar më parë urdhër-arreste për presidentin Vladimir Putin dhe zyrtaren ruse Maria Lvova-Belova për një skemë të supozuar për të dëbuar fëmijët ukrainas në Rusi.
Top Channel
