U shpall fajtor për publikimin e dokumenteve sekrete të Pentagonit, 22-vjeçari dënohet me 15 vite burg 12/11 22:43
Kryeministri izraelit Benjamin Netanyahu ka shpërbërë kabinetin prej gjashtë anëtarësh të luftës, pak ditë pas largimit nga qeveria të ish-gjeneralit Benny Gantz.
Netanyahu tani pritet të zhvillojë konsultime për luftën në Gaza me një grup të vogël ministrash, duke përfshirë ministrin e Mbrojtjes Yoav Gallant dhe ministrin e Çështjeve Strategjike Ron Dermer, të cilët kishin qenë në kabinetin e luftës.
Kryeministri ishte përballur me kërkesat nga partnerët nacionalistë-fetarë në koalicionin e tij, ministri i Financave Bezalel Smotrich dhe ministri i Sigurisë Kombëtare Itamar Ben-Gvir, për t’u përfshirë në kabinetin e luftës, një veprim që do të kishte intensifikuar tensionet me partnerët ndërkombëtarë, përfshirë Shtetet e Bashkuara.
Forumi u formua pasi Gantz iu bashkua Netanyahut në një qeveri të unitetit kombëtar në fillim të luftës në tetor, ku përfshiu edhe partnerin e Gantz-it, Gadi Eisenkot dhe Aryeh Deri, kreun e partisë fetare Shas, si vëzhgues.
Por, Gantz dhe Eisenkot u larguan nga qeveria javën e kaluar, pasi u shprehën se Netanyahu dështoi të formojë një strategji për luftën në Gaza.
Top Channel
