“Nuk e kuptoj mllefin që ke”, vijon ‘lufta e ftohtë’ mes Jul Dedës dhe Ermal Mamaqit: Qesha me lot, por u preka! Për projektin pres… 13/11 12:00
Një avokat që hyri me pistoletë të mbushur në dhomën e aparatit të rezonancës magnetike ka humbur jetën në Brazil.
40-vjeçari Leandro Mathias de Novaes me armën e fshehur në brez, po shoqëronte nënën e tij për të kryer skanimin mjekësor në klinikën Laboratorio Cura.
Por sipas raportimit arma e tij u tërhoq nga brezi prej forcës magnetike të makinerisë dhe e qëlloi avokatin në bark.
Laboratorio Cura tha në deklaratën pas incidentit se si pacienti dhe shoqëruesi i saj ishin udhëzuar të hiqnin objektet metalike që kishin me vete, shkruan rrjeti Miami Herald.
“Arma e zjarrit nuk u përmend nga shoqëruesi i pacientes, i cili vendosi të hynte në dhomën e ekzaminimit bashke me objektin, sipas vendimit të tij”.
De Novaes kishte leje për armën por nuk dihet përse e mbante me vete pas paralajmërimit.
Makineria e rezonancës magnetike krijon fushë të fuqishme magnetike dhe valë radio që depërtojnë në molekulat e hidrogjenit, duke krijuar imazhe të organeve.
Top Channel
