Tjetër goditje për Gazën, Izraeli ndalon agjencinë e OKB-së për refugjatët palestinezë 28/10 22:15
Atsushi Ozawa u akuzuase përdori makinën e tij për të vrarë pëllumbin e zakonshëm, për të cilin veterinerët thanë se vdiq nga shoku traumatik.
Për disa, ata janë një lloj tjetër i miqve me pendë; për të tjerët, ata janë ‘minj’ me krahë, jashtëqitjet e të cilëve prishin ndërtesat historike.
Por në Japoni, pëllumbat mund të jenë viktima të krimit, pasi policia arrestoi një shofer taksie në Tokio me dyshimin se kishte aksidentuar me dashje një tufë zogjsh, duke vrarë njërin prej tyre.
I dyshuari Atsushi Ozawa, 50 vjeç, “përdori makinën e tij për të vrarë një pëllumb të zakonshëm, i cili nuk është kafshë gjahu”, në kryeqytetin japonez muajin e kaluar dhe u arrestua të dielën për shkelje të ligjeve për mbrojtjen e kafshëve të egra, tha një zëdhënës i policisë së Tokios për Agjencinë telegrafike të Francës.
I dyshuari i tha policisë se kishte futur zogjtë sepse “Rrugët janë për njerëzit. U takon pëllumbave të shmangin makinat,” sipas mediave lokale.
Ndërsa një numër i kufizuar i pëllumbave të gjahut mund të gjuhen legalisht në Japoni, “kushërinjtë e tyre” urbanë, mund të vriten vetëm nëse ato bëhen një shqetësim i provuar, si për shembull shkaktimi i dëmeve në të mbjellat dhe bagëtitë dhe kjo ndodh vetëm me miratimin e autoriteteve lokale.
Sipas mediave japoneze, shoferi i taksisë dyshohet se u largua me shpejtësi nga semaforët pasi ata ishin bërë jeshil dhe u përplas me zogjtë me një shpejtësi prej 60 km/h.
Incidenti i supozuar u raportua në polici nga një kalimtar i rastit, i cili u alarmua nga zhurma e një motori makine teksa shpejtonte.
Një veteriner kreu një ekzaminim pas ngordhjes së pëllumbit dhe përcaktoi shkakun ishte shoku traumatik.
Duke pasur parasysh punën e tij si shofer profesionist, policia i përshkroi veprimet e tij si “shumë keqdashëse”, një konsideratë që i shtyu ata të vazhdonin me arrestimin e pazakontë, raportoi rrjeti TV Fuji.
Simpatia për pëllumbat e Tokios është në kontrast me ndjenjën ndaj popullatës së saj sorrave, të cilat ishin në shënjestër pas ankesave se oreksi i tyre për plehrat e lëna në rrugë nga restorantet po bënte rrëmujë në rrugët e kryeqytetit.
Në vitin 2001, guvernatori i atëhershëm, Shintaro Ishihara, njoftoi se po bënte luftë kundër 36,000 sorrave të qytetit. Gjatë dy dekadave që pasuan, popullsia e korbave të kryeqytetit ra me rreth dy të tretat , sipas Yomiuri Shimbun.
Top Channel
