Marrëveshja e armëpushimit me Libanin, kundërshton ministri izraelit i ekstremit të djathtë: Nuk siguron kthimin e izraelitëve në veri të vendit 26/11 21:29
Gjykata e lartë e Panamasë vendosi sot se një kontratë që lejon operimin e një kompanie kanadeze në minierën më të madhe të bakrit në në Amerikën Latine, është anti-kushtetuese.
Zhvillimi vjen pas protestave mbarëkombëtare dhe bllokimeve të rrugëve që prej aprovimit nga Kongresi muajin që shkoi të rinovimit të kontratës për grupin kanadez First Quantum Minerals që i lejon operimin për 20 vjet, me opsion për shtim dhe dy dekada të tjera.
Sot gjykata e shpalli koncesionin e kontestuar anti-kushtetues pas lëvizjes së gjerë popullore që ka paralizuar ekonominë e vendit prej një muaji.
Prej vitit 2019, miniera gjigante e hapur ka prodhuar çdo vit 300,000 ton bakër që përfaqësojnë 75% të eksporteve të vendit, por vendasit dhe ambjentalistët thonë se ajo shkatërron korridorin biologjik që Amerikën qendrore me Meksikën, duke i shkëputur ato për nga flora e fauna, shkruan AFP.
Kryetarja e gjykatës María Eugenia López, tha në njoftim se “unanimisht arritëm në vendimin për të shpallur anti-kushtetues ‘ligjin 406’, referuar kontratës mes shtetit të Panamasë dhe grupit kanadez të minierave First Quantum Minerals (FQM).
“Kjo do të thotë se ligji i përmendur përjashtohet nga sistemi rregullator i vendit tonë”, tha gjykatësja, duke dhënë vendimin pas katër ditë analize nga nëntë anëtarët e gjykatës më të lartë.
Protestat kundër konçesionit të dyshimtë minerar ishin më të mëdhatë në Panama që prej kohës së rënies së diktatorit Manuel Antonio Noriega në 1989, ndërsa bllokimet e rrugëve shkaktuan më shumë se 1.7 miliardë dollarë humbje në bujqësi, turizëm e fusha të tjera.
Grupi kanadez argumenton se miniera krijon rreth 50,000 vende pune dhe kontribuon 5% të GDP-së të vendit.
Top Channel
