Ministri Punëve të Brendshme, Xhelal Sveçla ka deklaruar se autoritetet kosovare çdo ditë kanë dëshmuar me fakte të patjetërsueshme lidhjen e shtetit serb dhe presidentit Aleksandër Vuçiç me sulmin e fshatit Banjksë të Zveçanit.
Ky organizëm terrorist sipas tij, kishte vetëm një qëllim, aneksimin e veriut të Republikës së Kosovës.
“Përmes pamjeve do të dëshmojmë se shteti i Serbisë është i përfshirë drejtpërdrejtë në ngjarjet e 24 shtatorit.. Për shumë armatime kemi dokumentacion që janë dhënë nga ushtria serbe… ‘Pablo Escobar dhe Prigozhin i Serbisë’, kanë dështuar falë profesionalizmit të Policisë së Kosovës”, theksoi Sveçla në një konferencë të përbashkët për media me drejtorin e policisë.
Ndërsa, drejtori i Policisë së Kosovës, Gazmend Hoxha theksoi se nga hetimet policore kemi ardhur në përfundimin se grupi terrorist ka zhvilluar ushtrime të gjata në Kopaonik.
“Nga hetimet policore kemi ardhur në përfundim se grupi terrorist ka zhvilluar ushtrime të gjata në Kopaonik dhe Paculanske Livade që është poligon i trajnimeve të komunës së Paraqinit”- tha Hoxha, raporton KosovaPress.
Top Channel
