Pamje krahasuese nga Shën Petersburg, gjatë rrethimit të Luftës së Dytë Botërore dhe tani (foto-galeri)
19/11 21:52
Mc Kresha është “viktima” e radhës e fansave që godasin dhe hedhin sende drejt artistëve gjatë performancave ‘live’.
Mbrëmjen e kaluar në Kosovë, teksa këngëtari po këndonte në skenë, drejt tij u hodh një çakmak. Veprimi i fansit ka acaruar Kreshën, i cili pasi ka ndalur koncertit dhe duke iu drejtuar publikut, tha se kjo nuk është mënyra e duhur për të treguar dashuri.
“Ndale ndale, Drenas nëse doni me tregu dashni nuk është dashni duke e gjuajtur artistin me shkrepsë, nëse mendoni se kemi ardhur për para për të kënduar, ne kemi ardhur pa para për të kënduar, faleminderit”, ka thënë reperi.
Dyshja e reperëve të njohur, MC Kresha dhe Lyrical Son po mbanin një koncerte në qytetin e Drenasit. Por, pas incidentit u larguan nga skena.
Këtë verë, dhjetëra artistë janë sulmuar nga fansat gjatë koncerteve të tyre. Bebe Rexha pësoi një lëndim të rëndë në sy, pasi një djalë nga publiku e goditi me telefon.
Një fans u ngjit papritur në skenë dhe goditi në fytyrë këngëtaren me origjinë shqiptare Ava Max, që po ashtu u largua menjëherë nga skena.
Me celular u godit gjatë një koncerti në fillim të korrikut edhe Drake. Ai shmangu situatën dhe nuk e ndërpreu koncertin për asnjë moment duke vazhduar të performojë në skenë këngën e tij “So Anxious”.
Ndërsa Cardi B, pasi pa se një fanse po i hidhte gotën e pije, ndërpreu performancën dhe e goditi me pije.
Ndërsa Adel, për të parandaluar skena të tilla, shkoi në koncert me një armë lodër dhe gjatë koncertit i kërcënoi fansat se do i qëllojë nëse dikush hedh sende në skenë.
Këngëtarja ishte duke performuar në Las Vegas dhe në një moment, mes shakasë dhe seriozitetit ndaloi së kënduari dhe tha: Ju sfidoj, nëse më hidhni diçka, unë do ju vras! Mos i hidhni gjëra artistëve.
Top Channel
