Pop News Të Fundit

North West “çmend” rrjetin në moshën 13-vjeçare, gjithë vëmendja tek ajo dhe njerka e saj, Bianca Censori

05/10/2026 12:26

Vajza 13-vjeçare e Kim Kardashian dhe Kanye West, North West, tërhoqi vëmendjen me stilin e saj ekstravagant gjatë pjesëmarrjes në festivalin ComplexCon në Los Angeles.

North u shfaq me flokë blu, grila metalike në dhëmbë dhe piercing fals, ndërsa pozoi krah njerkës së saj, Bianca Censori. Në event ishte i pranishëm edhe babai i saj, Kanye West, i cili u shfaq me veshjen e tij karakteristike prej lëkure.

Adoleshentja është bërë shpesh pjesë e vëmendjes mediatike për stilin e saj të veçantë. Nëna e saj, Kim Kardashian, ka treguar së fundmi se përpiqet ta frenojë North nga angazhimet e shumta publike, pasi vajza ka një interes të madh për muzikën dhe projektet para kamerave.

North ka nisur tashmë edhe karrierën muzikore. Këtë vit ajo publikoi një EP debutuese dhe është shfaqur në kopertinën e revistës Dazed.

Kim Kardashian ka thënë se ajo dhe Kanye West po përpiqen të komunikojnë më mirë për të marrë vendime të përbashkëta lidhur me projektet e vajzës së tyre.

Stili i North ka shkaktuar edhe më parë reagime. Ajo ka shfaqur piercing-e në gishta dhe në disa projekte muzikore është shfaqur me piercing-e të përkohshme në fytyrë.

Në një nga projektet e saj muzikore, North bashkëpunoi me Lil Novi, djalin e reperit Lil Wayne. Në videoklipin e tyre, ajo shfaqet me flokë blu, grila metalike dhe aksesorë me pamje punk, duke vijuar stilin e saj të pazakontë.