Gjykata e Posacme ka lënë në burg ish-kryebashkiakun e Fushë-Arrëzit Fran Tuci dhe në arrest shtëpie Ndoc Markun, ish-administrator i Njësisë Administrative Iballë që akuzohen për shpërdorim detyre dhe shkatërrim prone.
Gazetarja Anila Hoxha ka siguruar pamjet me rrugën që akuzohet ish-kryebashkiaku se ka shpërdoruar detyrën.
Tuci dyshohet nga SPAK me mosveprimet e tij lejoi hapjen e një rruge rurale me gjatësi 1.8 kilometër , që dëmtoi një sipërfaqe të konsiderueshme të fondit pyjor, pronë e bashkisë.
“Dëmi i përllogaritur nga IKMT Shkodër, pas inspektimit të kryer në terren, kap vlerën e konsiderueshme të 234 milionë lekë, i cili përfshin dëmtimin e terrenit si edhe shpyllëzimin e sipërfaqes se regjistruar pranë ASHK, Drejtoria Vendore Pukë, si pasuri të llojit “Pyll” në pronësi të Bashkisë Fushë Arrëz.” Deklaroi zyrtarisht SPAK .
Mos përmbushja e detyrës sipas prokurorisë antikorrupsion ka sjellë dëme material për shtetin jo vetëm sa i takon shpyllëzimit, por edhe hapjes së një segmenti autorural të pa miratuar nga autoritetet.
Ai ra në pranga hetimi të nisur si fillim në prokurorinë e Pukës që pas gjetjeve shpalli mos kompetencën dhe delegoi hetimet pranë prokurorisë së posaçme.
Top Channel
