Ndryshimet që duhet të bëni gjatë vitit 2025 26/12 20:37
Vitet e fundit, printimi 3D është përdorur për të ndërtuar gjithçka, nga shtëpitë tek bizneset dhe madje edhe ura, por tani, Dubai është vendosur të ndërtojë xhaminë e parë në botë të printuar në 3D.
Struktura do të strehojë 600 besimtarë, me 2,000 metra katrorë dhe dy kate, sipas Ali Mohammad Alhalyan Alsuwaidi, kreu i inxhinierisë në Departamentin e Çështjeve Islame dhe Aktiviteteve Bamirëse të Qeverisë së Dubait (IACAD). Ndërtimi është planifikuar të fillojë në fund të vitit dhe pritet të përfundojë në tremujorin e parë të 2025.
“Ne zgjodhëm të printojmë xhaminë 3D sepse është një teknologji e re dhe inovative që mund të kursejë kohë dhe burime në krahasim me metodat tradicionale të ndërtimit,” tha Alhalyan Alsuwaidi.
Ndërtimi duke përdorur printimin 3D kërkon makineri të mëdha printimi që janë të programuara me informacionin e projektimit.
Shumica dërrmuese e strukturave të printuara 3D janë bërë nga betoni, por është e mundur të printohen duke përdorur materiale të tjera, si argjila.
Modernizimi i industrisë së ndërtimit
Dubai ka vendosur të bëhet kryeqyteti i printimit 3D në botë dhe në vitin 2018 ai lançoi një “Strategji të Printimit 3D” që planifikonte që 25% e ndërtimit të ri të emiratit të printohej në 3D deri në vitin 2030.
Deri në vitin 2019 ajo mbante rekordin botëror për strukturën më të madhe të printuar 3D – ndërtesën e Bashkisë së Dubait (që qëndron 9.5 metra e lartë me një sipërfaqe prej 640 metrash katrorë) – si dhe ishte shtëpia e zyrës së parë në botë të printuar në 3D , dhe një laborator kërkimor me dron të printuar 3D .
Top Channel
