Gjysmëfinalet e Europa League/ Leverkusen “gjunjëzon” romakët në “Olimpico”, Atalanta barazon në Francë 02/05 22:55
Argjentina u shpall për herë të tretë në historinë e saj Kampione e Botës teksa në finale mposhti Francën.
Me 90-minutat që përfunduan në rezultatin 2-2 dhe me shtesën që po ashtu nuk dhuroi fitues e që përfundoi 3-3, të besuarit e trajnerit Lionel Scaloni u shfaqën më të sigurt nga pika e bardhë e penalltive.
Një nga katër ekzekutuesit e penalltisë për Argjentinën ishte edhe Paulo Dybala i aktivizuar në fundin e ndeshjes, pikërisht për të pasur mundësinë e goditjes së 11-metërshit. 29-vjeçari e kaloi me sukses provën përballë Hugo Lloris teksa tifozë të tij ishin kthyer edhe shokët te skuadra e Romës.
Lojtarët verdhekuq si dhe stafi i kryeqytetasve ishin mbledhur për të parë finalen së bashku dhe në momentin që Dybala goditi penalltinë, të gjithë festuan për mikun e tyre që në Itali tashmë do të rikthehet me statusin e Kampionit të Botës.
Top Channel
