VIDEO/ U bë “mollë sherri” për Icardin dhe Wanda Nara, aktorja e njohur argjentinase kapet “mat” me pilotin 11 vite më të ri
18/11 17:03
Me të drejtë duket e rrethuar nga misteri ajo që njihet si “shtëpia më e vetmuar në botë”, që qëndron e izoluar në një ishull të vogël të pabanuar prej gati 100 vjetësh.
Në disa foto spektakolare nga ishulli shihet shtëpia e bardhë në faqen e një kodre në Elliðaey – një ishull i vogël shkëmbor në jug të Islandës.
Gjatë shekujve 18-të e 19-të, vendi piktoresk në verilindje të arqipelagut Vestmannaeyjar, strehonte disa familje, edhe pse i ekspozuar ndaj të gjithë elementëve atmosferikë.
Por në vitet 1930-të, disa banorë të mbetur mblodhën plaçkat për t’u zhvendosur drejt tokës kryesore për një jetë më të mirë, shkruan The Sun.
Prej atëherë ishulli është i zbrazët dhe ka nxitur mjaft teori të pazakonta mes “gojëve të liga”.
Një prej zhurmave është se ai zotërohet nga milionerë të fshehtë që duan të kthejnë Elliðaey në strehën e tyre, në rast të “apokalipsi të tipit zombi”.
Ndërsa të tjera sugjerojnë se shtëpia banohet tashmë nga eremitë fanatikë fetarë.
Por burimet zyrtare thonë se shtëpia e bardhë është ndërtuar ne fakt nga shoqata e gjahtarëve të Elliðaey e cila vjen për të vrarë zogjtë karakteristikë vendas ‘puffin’ që ushqehen me peshqit e bollshëm të ishullit.
Në vend nuk ka ujë të rrjedhshëm, rrymë elektrike apo instalime hidraulike.
Ishulli është i listuar si një rezervat natyror dhe zonë e mbrojtur, kryesisht prej përdorimit si vend i ngritjes së foleve nga zogjtë e shumtë nordikë detarë që jetojnë në zonë.
Disa kompani ofrojnë udhëtime ditore në ishull, për ata që duan të shikojnë pamjet spektakolare të ofruara.
Top Channel
