![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Një 51-vjeçar i shpallur në kërkim ndërkombëtar për trafikimin e lëndëve narkotike është ekstraduar nga Shqipëria drejt Italisë.
Gentian Deda, banues në Durrës, është arrestuar shkurtin e këtij viti dhe Gjykata e Milanos e ka dënuar me 11 vjet, 8 muaj e 15 ditë burgim.
Në zbatim të marrëveshjes mes dy vendeve, autori u ekstradua drejt Italisë për kryerjen e dënimi, pas bashkëpunimit mes Interpol Tirana dhe Interpol Roma.
Njoftimi:
Interpol Tirana
Ekstradohet nga Shqipëria drejt Italisë, një shtetas i shpallur në kërkim ndërkombëtar, i dënuar me 11 vjet, 8 muaj e 15 ditë burgim, për trafikim të lëndëve narkotike.
Falë bashkëpunimit të Interpol Tirana me Interpol Roma, u ekstradua nga Shqipëria drejt Italisë, shtetasi shqiptar i shpallur në kërkim ndërkombëtar:
Gentian Deda, 51 vjeç, banues në Durrës.
Ky shtetas është arrestuar në shkurt të vitit 2022, në Durrës, nga specialistët për Hetimin e Narkotikëve dhe Trafiqeve të Paligjshme, në bashkëpunim me shërbimet e Forcës së Posaçme Operacionale, të DVP Durrës.
Gjykata e Milanos, Itali, e ka dënuar këtë shtetas, me 11 vjet, 8 muaj e 15 ditë burgim, për kryerjen e veprës penale “Grup kriminal me qëllim trafikimin e lëndëve narkotike”, parashikuar nga Kodi Penal i Italisë.
Në zbatim të marrëveshjes së ekstradimit mes dy vendeve, shtetasi Gentian Deda u ekstradua drejt Italisë, për kryerjen e dënimit.
Top Channel