Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Në imazhe shihen momentet kur një turiste mendjelehtë inatosi grupet e vendasve duke u ngjitur në këndet-shkallë të një tempulli të lashtë Maja, duke shkaktuar thirrje zemërimi nga meksikanët.
Gruaja e paidentifikuar publikisht, shihet që u ngjit thuajse deri në majë të tempullit El Castillo – i njohu ndryshe si Piramida e Kukulcán – në shtetin meksikan të Yucatán, dhe niste të kërcente në lartësi, teksa vendasit e ofenduar thërrisnin të tërbuar nga poshtë.
Ngjitja në piramidën 25-metër të lartë në impjantin arkeologjik të Chichen Itza – një nga qendrat më të rëndësishme të civilizimit mistik Maja – është ndaluar që prej vitit 2008.
Pasi gruaja zbriti 91 shkallët e piramidës, turma e zemëruar thërriste “burg, burg, burg” dhe “mbylleni në burg”.
Më pas ajo shihej të goditej me shishe uji teksa arriti të kalonte mes njerëzve.
Në pamjet e shpërndara dje në rrjetet sociale shihej që turistja thirret për të zbritur nga një burë që kishte ngjitur dhe ai disa nga shkallët.
Por teksa nis të zbresë ajo shihet që kërcen dhe tund kapelën e saj ndaj njerëzve të inatosur, poshtë shkallëve.
Teksa zbret asaj i bie kapelja dhe goditet nga shishet e ujit të lëshuara nga turma.
Më në fund turistja arrin të largohet dhe shoqërohet nga roje sigurie të impjantit arkeologjik.
Më vonë autoritetet lëshuan një deklaratë ku thanë se tempulli nuk ishte dëmtuar nga ngjarja.
Gjobat për shkelje të tilla të vendeve arkeologjike në Meksikë variojnë nga $2500 deri në $5000, në varësi të dëmit të shkaktuar.
Chichen Itza është një vendndodhje trashëgimie kulturore që daton më tepër se 1000 vjet dhe vizitohet nga më shumë se 2,500,000 vizitorë çdo vit.
Top Channel
