PSG-ja triumfon me “poker” ndaj Lorient, Lille mund t’i “dhurojë” titullin sonte 24/04 21:11
Jemi në javën e Kupës së Botës dhe futbolli i klubeve do të ndalet për më shumë se një muaj.
Një nga futbollistët që me siguri do t’i mungojë shumë Botërorit është Erling Haaland. Norvegjia e sulmuesit të Manchester Cityt nuk ia doli të kualifikohej dhe në këtë formë, bomberi është jashtë eventit madhor.
Kjo periudhë pauze me siguri do t’i shërbejë 22-vjeçarit për të pushuar pas një periudhe me shumë ndeshje.
Megjithatë, ka nga ata që kërkojnë të mos e lejojnë Haaland të relaksohet shumë. Është klubi i divizionit verior në ligat ulëta angleze, Ashton United që i ka bërë së fundmi një propozim Manchester Cityt.
Ata kërkojnë huazimin e Haaland për gjashtë javët e ardhshme ndërsa theksojnë për lojtarin është më mirë të luaj futboll se sa të merret me golf.
“Mendojmë se për Haaland është më mirë të luaj futboll në gjashtë javët e ardhshme se sa të merret me golf. Theksojmë se mbërritja e tij në këtë skuadër do të ishte perfekte si për skuadrën ashtu edhe për Haaland, ai do të përshtatej menjëherë me stilin e lojës të Ashton United”, thuhej në komunikatën e Ashton United.
Këta të fundit, kanë komunikuar edhe me Manchester City pasi e kanë seriozisht këtë ide për Haaland, megjithatë pritet që The Citizens ta refuzojnë menjëherë pasi bëhet fjalë për yllin e skuadrës./ Super Sport
Top Channel
