“BE të rishqyrtojë sanksionet ndaj Rusisë”, Orban bën thirrje: Çmimet e energjisë duhet të ulen patjetër 15/11 11:02
Një pedagog ekonomie që punonte në të njëjtin kampus universitar me gruan e tij, është akuzuar sot për vrasjen e saj me thikë në shtëpinë e tyre në lindje të Britanisë.
52 vjeçarja e lindur në Itali, Dr Antonella Castelvedere, u gjet me plagë të rënda në shtëpinë 260,000 paundëshe të çiftit në qytezën e Colchester, mesditën e të mërkurës.
Dr Castelvedere jepte leksione në gjuhën angleze dhe shkrim akademik në universitetin e Suffolk, ku jepte mësim gjithashtu dhe bashkëshorti i saj.
Ertan Ersoy, 50 vjeçar me origjinë nga Turqia, u shfaq sot në gjykatën e Colchester i akuzuar për vrasje.
Ai ishte një lektor i jashtëm që jepte mësim si pedagog i ftuar në shkollën e biznesit të Universitetit të Suffolk.
Dr Ersoy ishte diplomuar në shkenca politike në universitetin e Ankarasë, sipas profilit të tij online.
Ai kishte gjithashtu një master në ekonomi nga Universiteti i Marmara në Turqi.
Kryeinspektori i policisë Antony Alcock tha: “Megjithse kemi ngritur tashmë akuzat, grupet tona po vijojnë punën për mbledhjen e provave. Duket se ku ishte një incident tragjik i izoluar që nuk sjell rrezik për publikun e gjerë në Colchester.”
Dashamirës kishin lënë homazhe dhe lule jashtë shtëpisë, ku sot qëndronin ende oficerë policie.
Një fqinje në anën tjetër të rrugës, tha për mediat: “Është e tmerrshme, gruaja kishte dhe një vajzë të sajën. Dje kishte njerëz duke qarë jashtë shtëpisë, duhet të kenë qenë familjarët e saj. Nuk njiheshim shumë, vetëm përshëndeteshim. E ndjera ishte miqësore por nuk e shihnim shpesh”.
Dr Castelvedere ishte nga provinca e Brescia në veri të Italisë dhe jetonte në Britani prej 25 vitesh.
Fqinjët e përshkruanin atë “të qetë” dhe mjaft të pëlqyer.
Babai i Dr Castelvedere, Spartaco, ka qenë drejtor i agrokulturizmit në Brescia ndërsa nëna e saj Mina dhe vëllai Ferruccio jetojnë ene në qytezën e Bagnolo Mella. Ata nuk kanë komentuar ende për ngjarjen.
Policia bënte apel për informacione mbi çiftin që mund të çojnë në motivet e ngjarjes së rëndë.
Top Channel
