Roma shkruan historinë në Tiranë! Italianët mposhtin Feyenoord në Air Albania, marrin trofeun në shtëpi
25/05/2022 23:05
E Ngarkuara me Punë e SHBA në Shqipëri, vizitë në Gjirokastër, takohet me kreun e Prokurorisë 14/11 16:34
Italianët shfrytëzuan një gol të Nicolo Zaniolos në minutën e 32-të, për të fituar trofeun e parë europian pas Kupës së panairëve në vitin 1961.
Ndeshja nisi e qetë ndërsa të dy skuadrat studionin rastet dhe tentonin të përfitonin nga dobësitë e kundërshtarit .
Gjakrat u nxenë më shumë pas mitës së 32 të lojës ku u zhbllokua finalja e Conference League dhe Roma kaloi në avantazh me Nicolo Zaniolo, i cili bëri maksimumin e tij në asistin e Mancinit dhe arriti të nderonte skuadrën e tij dhe të gjithë tifozët që I ndoqën.
Portieri Romanist Rui Patricio, u tregua I kujdesshëm dhe e ruajti të paprejur portën gjatë gjithë lojës duke mbijetuar sulmeve të holandezëve e duke shkuar kështu drejt fitores.
Ndëra Roma mori trofeun në shtëpi, italianët janë festë dhe holandezët të zhgënjyer.
Pas përfundimit të 90 minutëshit, holandezët kishin mundësi edhe pesë minuta të tjera shtesë për të shënuar por nuk arritën, duke i dhuruar kështu kupën e fitorës Romës.
Mbrojtësi shqiptar Marash Kumbulla nuk arriti të bëhej pjesë e lojës edhe pse u pa në nxemje gjatë pjesës së dytë. Tifozët nga ana tjetër kanë festuar këtë moment të shumëpritur me brohoritje e fishkëllima. Pas mometit të fitores, lojtarët e Romës me trofe në duar i janë drejtuar tifozëve në shenjë falenderimi.
Vlen të theksohet edhe fakti se trajneri Mourinho, bëhet i pari trajner që fiton tre kompeticione të UEFA-s; Champions League, Europa League dhe tashmë Conference League. Kështu, Tirana i sjell fat Romës dhe teknikut portugez që tashmë i pret një festë e madhe e merituar për një sezon që mbyllet me një trofe të rëndësishëm për klubin verdhekuq.
22:56 Përfundon finalja e “Conference League” në Air Albania, Roma çon trofeun në shtëpi
Roma bën histori në stadiumin Air Albania të Tiranës teksa fiton edicionin e parë në historinë e Conference League. Italianët u treguan më cinikë në 90-minutat e Air Albania-s teksa shfrytëzuan një gol të Nicolo Zaniolos në minutën e 32-të duke fituar trofeun e parë europian pas Kupës së panairëëve në vitin 1961.
22:09 Kumbulla në nxemje, mbrojtësi shqiptar mund të futet në pjesën e dytë
Mbrojtësi shqiptar i ekipit të Romës Marash Kumbulla, ka nisur nxemjen në fushë dhe kjo tregon mundësi të futjes në lojë në pjesën e dytë të ndeshjes. Profesionisti shqiptar nuk ishte pjesë e formacionit fillestar të ndeshjes, por me sa duket do të ketë mundësinë e artë në pjesën e dytë të lojës, për të qenë aktiv në këtë finale të Conference League.
21:33 Shënohet goli i parë, Roma “godet” në shenjë
Goli i parë në “Air Albania” është shënuar dhe Roma ka kaluar në avantazh pas 32 minutash që nga nisja e lojës. Zaniolo ka shënuar në portën e holandezëve, duke përfituar nga mundësia e mirë që iu dha. Kjo mundësi i erdhi nga Mancini, i icli i dërgoi një assist të mrekullueshëm.
21:29 Roma e nis “ters” finalen, Mourinho humbet fantazistin
Në orën 21:00, Roma dhe Feyenoord do të diskutojnë në stadiumin Air Albania të parën finale në historinë e Conference League.
Verdhekuqve iu mungon një finale europiane prej 31 vitesh të cilën për herë të fundit e humbën kundër Inter në UEFA Cup, ndërsa këtë radhë do të kërkojnë një fund të lumtur. Nga ana tjetër, holandezët mbërrijnë në finalen e Tiranës me një rekord prej tre fitoresh në finalet që kanë luajtur dhe do të mundohen të mbesin besnikë të kësaj statistike.
21:27 Holandezët rrahin shqiptarin, ai vrapon drejt policëve për të shpëtuar (Pamjet)
Një ngjarje ka ndodhur mbrëmjen e sotme në pedonalen e Tiranës, ku tifozët holandezë kanë sulmuar një shqiptar. Në video shihet se si shqiptari është sulmuar nga një grup personash dhe më pas ka rendur drejt policëve për të shpëtuar.
21: 21 Video/ Skënder Brataj në krye të detyrës, mjeku i pranishëm në “Air Albania” për çdo emergjencë të mundshme
Drejtori i Përgjithshëm i Qendrës Kombëtare të Urgjencës Mjekësore Skënder Brataj, është i pranishëm mbrëmjen e sotme në stadiumin “Air Albania”, ku po mbahet finalja e Conference League.
21:05 Plas sherri në stadium, grushte te sektori i tifozëve të Feyenoordit
Probleme në stadiumin “Air Albania”. Në pjesën pas porte ku janë vendosur ultrasit e Feyenoordit ka nisur një sherr i madh. Disa tifozë dallohen duke përdorur grushtet mes tyre. Holandezët jpo shfaqen më të zhurmshëm dhe aktivë në finalen e Conference League.
21:00 Starton finalja e Conference League, atmosferë elektrizuese në Air Albania
Roma: Rui Patricio, Karsdrop, Mancini, Ibanez, Smalling, Zalewski, Zaniolo, Pellegrini, Cristante, Mkhitaryan, Abraham
Feyenoord: Bijlow, Malacia, Senesi, Trauner, Geertruida, Til, Aursnes, Kokcu, Sinisterra, Dessers, Nelson
20:39 Video/ Me flamuj e banderola, tifozët në “Air Albania” më zhurmues se kurrë
Tifozët e Feyenoord dhe Romës të pranishëm në stadium mbrëmjen e sotme kanë nisur me zhurmën dhe tifot aoma pa nisur ndeshja.
19:40 Finalja e Conference League/ Publikohen formacionet zyrtare. Ja si do të luajnë Roma e Feyenoord, Kumbulla jashtë
Formacioni: Feyenoord: Bijlow, Malacia, Senesi, Trauner, Geertruida, Til, Aursnes, Kokcu, Sinisterra, Dessers, Nelson Roma: Rui Patricio, Karsdrop, Mancini, Ibanez, Smalling, Zaleëski, Zaniolo, Pellegrini, Cristante, Mkhitaryan, Abraham
19:12 “Barbarët”, tifozët holandezë marshojnë drejt “Air Albania”, të veshur me të zeza dhe kapuçë në kokë
19:00 Njëri shqiptar, tjetri holandez, tifozët me aftësi të kufizuara bëjnë festojnë së bashku
Dy tifozë me aftësi të kufizuara, njëri shqiptar dhe tjetri holandez janë parë të festojnë së bashku në Pedonalen e Tiranës.
18:45 S’mund të mungonte për finale, tifozi shkon me paterica në “Air Albania”
Aq e rëndësishme është ndeshja për ta saqë një tifoz ka shkuar edhe me paterica në stadium.
18:41 Pija bën të vetën/ Holandezët nuk mbajnë dot më, ‘qytetarët europianë’ shembull për të mos u ndjekur, në radhë për …
Sic duket edhe në foto, ndonëse nga organizatorët është menduar në detaje për gjithcka, tifozët holandezë, janë vënë në radhë për të kryer nevojat personale, por askush prej tyre sipas rregullave. Për shkak të pijes, që e kanë nisur prej mëngjesit, apo ngutit për të shkuar në stadium.. kjo nuk dihet, por një gjë është e sigurtë shembulli I dhënë lë shumë për të dëshiruar
18:20 Nis hyrja e tifozëve në “Air Albania”, ja si kontrollohen nga policia (Pamjet)
Tifozët e Romës dhe Feyenoord kanë nisur të hyjnë në stadiumin “Air Albania” për të ndjekur ndeshjen finale të Conference League. Në hyrje po kryhet kontrol i rreptë nga policia, për të shmangur incidente si ato të një nate më parë, ku u plagosën 20 persona, mes tyre 12 efektivë.
18:02 Muzikë dhe tifozë ‘të çmendur’, hidhen flakadanë në rrugë
Tifozët e Feyenoord kanë nisur të hedhin flakadanë në rrugë, ndërsa ata janë pozicionuar në Pedonale.
17:47 Festë e çmendur në Tiranë, tifozët e Feyenoordit plot energji, kërcejnë e këndojnë
Tifozët e Feyenoordit janë parë edhe më energjikë këtë të mërkurë, pak orë para finales. Të pozicionuar në zonën e Pedonales ata kërcejnë e këndojnë nën ritmet e muzikës së DJ
17:33 Pak orë nga ndeshja/ Zbulohen disa nga të ftuarit VIP të mbrëmjes së sotme, nga presidenti i UEFA tek yjet e futbollit dhe NBA
Në foton e mëposhtme paraqitet tavolina ku ndodhen krerët e finales së Conference League, nga presidenti i UEFA Alexander Ceferin, presidenti Armand Duka, Luis Figo, Vlade Divac ish basketbollisti i famshëm serb i NBA Agim Ademi, President i Federatës se Futbollit te Kosovës, Zvonimir Boban, Dejan Saviceviç etj.