Dhuna në stadium, arrestohen tifozët që shkaktuan rrëmujë në Elbasan Arena
08/05/2022 11:06
Aksident në tunelin e Kalimashit, përplasen 2 automjete tip “Benz”! Plagosen 2 pasagjerët 01/05 20:04
Gjatë ndeshjes e cila u zhvillua dje në stadiumin Elbasan Arena janë arrestuar Erald Vata dhe Eraldo Dushku pasi kanë dëmtuar stolat e stadiumit dhe kanë kundërshtuar punonjësit e policisë.
Dy të rinjtë në bashkëpunim me persona të tjerë, në përfundim të ndeshjes Partizani-Tirana, kanë shkatërruar një pjesë të stolave të stadiumit dhe kanë kundërshtuar me dhunë punonjësit e Policisë.
Vijojnë veprimet hetimore për dokumentimin e plotë të këtij rasti, identifikimin dhe shoqërimin e personave të tjerë të përfshirë në shkatërrimin e stolave të stadiumit dhe që nuk iu bindën urdhrave të punonjësve të Policisë.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale, për veprat penale “Shkatërrimi i pronës” dhe “Kundërshtimi i punonjësit të policisë së rendit publik”.
Top Channel
