“Zgjedhjet e ardhshme duhet të jenë shembull i një faqeje të re”, mesazhi i Presidentit në Ditën e Pavarësisë: Politikanët të ndjekin shembullin e patriotëve të 1912-ës 28/11 20:18
Kryetari i grupit parlamentar të PS, Taulant Balla ka folur para mediave në përfundim të mbledhjes me ministrat duke thënë se kanë thirrur Këshillin e Mandateve që të mblidhet nesër në orën 18:00 pasi SPAK i ka kërkuar Kuvendit leje për arrestimin e deputetit socialist Alqi Bllako.
Pyetje: Keni pasur komunikim me Alqi Bllakon?
Balla: PS nuk do të jetë dhe nuk ka qenë asnjëherë zyrë avokatie për askënd brenda saj. Sapo kryetarja e Kuvendit ka thirrur nesër në 18 mbledhjen e Këshillit të Mandateve, është vënë në dijeni dhe vetë deputeti Alqi Bllako, procedura e Kuvendit do të vijojë pa asnjë pengesë, nga asnjë lloj forme imnuniteti apo privilegji parlamentar.
Ajo që po ju them, është se natyshëm kam komunikuar me zotin Bllako dhe kryetaren e Kuvendit, në funksion të ecjes përpara të procesit. Do ju ftoja që të shkoni në pjesën ku është arkiva e Kuvendit, dhe të shihni se çfarë standardesh ka përdorur PS dhe PD.
Asnjë vonesë për të çuar përpara një arritje që Shqipëria e ka në mënyrë pa diskutueshme, Reformën në Drejtësi. Unë nuk interpretoj dokumente zyrtare, vetëm i lexoj, është një dokument që më është vënë në dijeni dhe kemi thirrur mbledhjen e këtij këshilli nesër në orën 18:00.
Top Channel
