Pushtimi rus, delegacioni ukrainas viziton Korenë e Jugut, kërkon ndihmë ushtarake 27/11 09:43
Presidenti i Zvicrës, Ignazio Cassis rezultoi pozitiv me COVID-19 në ditën kur u hoqën kufizimet për shkak të koronavirusit në këtë vend, konfirmoi qeveria.
Cassis, gjithashtu ministër i Jashtëm, rezultoi pozitiv pas një testi PCR të mërkurën pasdite, njoftoi qeveria në një deklaratë të enjten.
Në ditën kur qeveria bëri njoftimin e saj në kryeqytetin Bern, përdoruesja e Twitterit @Ann_Waeltin dërgoi një Twitt që u bë virale duke treguar Cassis duke kollitur shkurtimisht dhe më pas duke folur.
Ajo shkroi në Twitter në gjermanisht: “Këshilltari Federal i Zvicrës Ignazio Cassis hoqi maskën në konferencën e djeshme për media, qeshi, u kollit dhe njoftoi heqjen e masave.
“Sot u njoftua se ai është pozitiv ndaj COVID-19″.
Të mërkurën, qeveria zvicerane tha se do të hiqte shumicën e kufizimeve të saj për COVID-19 pavarësisht se varianti Omicron shkakton nivele rekord të infeksioneve.
Njoftimi i qeverisë për Cassis tha se ai iu nënshtrua një testi të PCR-së për shkak të pjesëmarrjes së tij në Konferencën e Sigurisë së Mynihut të premten dhe të shtunën
Qeveria zvicerane tha se Cassis do të punojë nga shtëpia e tij deri të dielën.
Top Channel
