“Meta ka informacione se SPAK mund ta godasë”/ Ish-kryeprokurori Hajdari: Sulmet e kryetarit të Partisë së Lirisë, të ngjashme me ato të organizatave kriminale 18/04 16:00
Deputeti i PD, Belind Këlliçi ka folur në Top Talk për situatën në Partinë Demokratike dhe dy datat për mbajtjen e Kuvendit Kombëtar.
Sipas tij, Sali Berisha dhe Lulzim Basha janë të dy fajtorë por është kundër që e gjithë kjo të sjellë shkatërrimin e Partisë Demokratike.
Këllici u shpreh se Berisha është fajtor për shumë gabime në PD, por Basha është student ekselent i gabimeve të tij.
Denis Dyrnjaja: A ja vlen që lufta e dy gjelave të shkatërrojë PD?
Belind Këlliçi: Absolutisht dhe unë do të jem kundër nëse ky do të jetë produkti. Janë të dy fajtorë. Berisha ka peshën e tij të fajeve në historinë 30 vjecare të PD, por Basha është një student ekselent i gabimeve të Berishës dhe ka një diferencë madhore. Berisha në 23 vite që ka drejtuar PD, 13 vite e ka mbajtur në pushtet dhe demokratët e kanë prekur pushtetit.
Pra ka një qasje ndryshe. Foltorja që nisi rivitalizoi të gjithë PD në Shqipëri, e coi nga dheu PD. Ne ishim në vdekje klinike. Ne duhet të jemi hipokritë shumë të mëdhenj që të mos e pranojmë këtë gjë.
Mendoj se Bashës i leverdis mbajtja e Kuvendit, duhet të jetë promotor i datës 11 dhe të vijë të përballet me platformën e tij në Kuvend. Një votë të marrë më shumë se çdo platformë tjetër, unë dhe të gjithë me radhë duhet të jemi në shërbim të PD.
Top Channel
