“Trupi im nuk funksionon si dikur, nuk ndihem mirë”! Futbollisti padit vaksinën anti-Covid BioNTech-Pfizer 03/05 10:21
Teuta mori një fitore mjaft të rëndësishme në transfertë ndaj Egnatias.
Goli i Sherif Kallakut ishte i mjaftueshëm që durrsaket te merrnin tre pikët në një takim mjaft të luftuar. Në pjesën e parë të lojës ishte ekipi i drejtuar nga Gugash Magani ata të cilët u shfaqën më kërkues por nuk arritën të shfrytëzojnë rastet e shumta që iu paraqiten ndërsa Teuta tregoi shumë pak nga forma e skuadrës që fitoi titullin kampion.
Në fraksionin e dytë pamë një panorame ndryshe nga ajo e 45 minutave të para, ku Djemtë e Detit ushtruan më tepër presion e si rrjedhoje i morën frytet lojës së mirë në minutën e 79 falë golit të Kallakut nga pika e bardhë e penalltisë. Me anë të fitores në ‘Egnatia Arena’, Teuta ngjitet provizorisht në vendin e dytë me 11 pikë.
Edhe sfida paralele mes Kastrioti-Laçi u mbyll me rezultatin minimal 1-0 teksa kurbinasit regjistruan triumfin e parë në këtë sezon. Kryefjale e takimit ishte agresiviteti dhe përpjekjet e shumta nga të dyja palët. Por, në fund Laci u tregua më cinik duke rrëmbyer 3 pikët nëpërmjet golit të Mentor Mazrekaj në minutën e 72′ që përfitoi maksimalisht nga pakujdesia në zonë e mbrojtësave krutan. Falë kësaj fitoreje, bardhezinjtë dalin nga zona e ftohtë dhe rigjejnë qetësinë.
Top Channel
