Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
I mbetur pa skuadër, pasi i përfundoi kontrata me Bournemouthin, mesfushori anglez Jack Wilshere po stërvitet prej javësh në klubin e Arsenalit, po ku merr edhe eksperiencën e parë si trajner, pasi po ndihmon jo pak në trajnimin e skuadrave të moshave.
Megjithatë në një intervistë për mediat angleze, Wilshere deklaroi se nuk e ka mbyllur ende me futbollin profesionist dhe se dëshiron të rikthehet të tregojë sërish aftësitë e tij në fushën e lojës.
“Po ndihmoj edhe në fushën e trajningut, pasi është një eksperiencë e re për mua, por mbi të gjitha po punoj dyfish në stërvitje, për të rigjetur formën më të mirë. Nuk kam ndërmend ta mbyll me futbollin, pasi jam i bindur që kam ende për të dhënë në fushë dhe mezi pres mundësinë e radhës”, deklaroi futbollisti.
Jack Wilshere është rritur në klubin e Arsenalit, ku edhe debutoi që në moshën 16-vjeçare, por pavarësisht një nisjeje të jashtëzakonshme të karrierës, në 5 vitet e fundit gjërat kanë ecur mbrapsht dhe tani 29-vjeçari nuk po arrin të bindë asnjë skuadër t’i ofrojë kontratë.
Top Channel
