Polemikat për gjykimin e derbit të Madridit mund t’i kushtojnë shtrenjtë arbitrit Ortiz Arias.
Sipas informacioneve të fundit, gjyqtari i përballjes Atlético Madrid–Real Madrid pritet të pezullohet për të paktën dy ndeshje, pas performancës së tij në derbin e së dielës.
Ortiz Arias u vendos në qendër të kritikave për disa prej vendimeve të tij, ndërsa veçanërisht u diskutua ndërhyrja e Kang-In Lee ndaj Federico Valverdes, për të cilën Komiteti Teknik i Gjyqtarëve pritet të dalë në përfundimin se duhej të ishte dhënë karton i kuq.
Edhe José Mourinho kritikoi ashpër gjykimin pas ndeshjes, ndërsa Atlético Madrid iu përgjigj debatit me një mesazh publik: “Ndalni tani ngacmimin e gjyqtarëve.” Tashmë, nëse informacioni për pezullimin konfirmohet zyrtarisht, Ortiz Arias pritet të mos gjykojë të paktën dy ndeshjet e ardhshme, si pasojë e performancës së tij në derbin e Madridit.
Top Channel
