Protesta në Australi për masat kufizuese, mbi 250 persona të arrestuar nga policia

19/09/2021 02:20

Për shkak të numrit të lartë të infektimeve me variantin Delta të Covid-19 Australia vazhdon të jetë nën masa të rrepta kufizuese.

Masat kufizuese kanë ngritur në protestë mijëra australianë në qytete të ndryshme. Mediat raportojnë se pati përleshje mes protestuesve dhe policisë.

Duke kërkuar heqjen e ndalimeve të vendosura për shkak të pandemisë, demonstruesit u mblodhën në qytete të ndryshme të vendit dhe mbajtën protesta të paautorizuara.

Sipas policisë, 235 protestues u arrestuan në Melburn dhe 32 në Sidnei.

Top Channel