Sot diskutimet për arritjen e armëpushimit, Hamasi kërkon siguri: Izraeli të na garantojë se do ndalojë sulmet në Gaza 04/05 11:07
Vendimi i Presidentit amerikan Joe Biden për të formuar aleancën e re trepalëshe të sigurisë tw quajtur (AUKUS) midis Shteteve të Bashkuara, Mbretërisë së Bashkuar dhe Australisë ka zemëruar Francën.
Ministri i Jashtëm i Francës ka akuzuar Australinë dhe SHBA -në se kanë gënjyer për paktin e sigurisw, gjw që bëri që Parisi të tërhiqte ambasadorët e tij.
Ministri francez Le Drian gjithashtu akuzoi vendet për ” sjellje me dy standarde, shkelje të madh të besimit dhe përbuzje”.
Pakti, i njohur si Aukus, prishi një marrëveshje shumë miliardë dollarëshe që Franca kishte nënshkruar me Australinë.
Kryeministri australian Scott Morrison tha se ai kishte vepruar për interesat kombëtare të vendit.
“Sigurisht që është një zhgënjim i madh për qeverinë franceze, kështu që unë i kuptoj,” tha ai. “Por në të njëjtën kohë, Australia si çdo komb sovran duhet të marrë gjithmonë vendime që janë në interesin tonë sovran të mbrojtjes kombëtare.” , përfundoi arsyetimin e tij Morrison.
Nga ana tjetwr NATO ka minimizuar rrezikun për aleancën, pwr një mosmarrëveshje midis Francës, SHBA dhe Australisë .
Rob Bauer, kryetar i Komitetit Ushtarak të NATO -s tha se nuk ka të ngjarë që çështja të ketë ndikim në “bashkëpunimin ushtarak” brenda grupit.
“Para së gjithash, Australia është një partnere por nuk është pjesë e organizatës së NATO -s. Ka shumë marrëveshje midis kombeve që mund të kenë ndikim në NATO ose në anën politike të shtëpisë sonë. Por për tani nuk do të ketë ndikim me aq sa mund të shoh në bashkëpunimin ushtarak brenda NATO -s “.
Marrëveshja Aukus – e cila gjithashtu përfshin Mbretërinë e Bashkuar – do t’i japë Australisë teknologjinë për të ndërtuar nëndetëse me energji bërthamore, si një mënyrë për të luftuar ndikimin e Kinës në Detin e kontestuar të Kinës Jugore.
Top Channel
