Tragjedia në Shkodër, Fuga ngre dyshimet: Autoritetet të zbardhin aktin fizik, si i mbyti nëna 3 fëmijët e vetme? 08/05 17:50
Kreu i Unionit të Gazetarëve, Aleksandër Çipa ka pasur një përplasje virtuale me ish kreun e PD, Sali Berisha për shkak të postit të vëllait të tij Ardian Cipa në strukturat e policisë.
Ardian Çipa ka qenë drejtor i Policisë së Tiranës në kohën e Saimir Tahirit, por ka mbajtur poste si drejtues i lartë policie edhe në kohën kur qeveriste Sali Berisha. Rikthimi i tij në poste drejtuese ka sjellë sulmet e ish kryeministrit Sali Berisha.
Në një postim në facebook, Berisha shkroi: “Cili polic të detyron ty të rikthesh A. Çipën në funksionet më të larta, njeriun që vodhi kasafortën e dosjeve me sekrete të krimit, bashkëpunëtorin e Genci Xhixhës dhe Olsit tënd?”
Në emisionin “Top Talk”, Çipa tha se do të nisë procedurat juridike për përballjen me Berishën si dhe komentoi fjalën e Bujar Nishanit, i cili tha se ish kryeministri nuk ka më ndikim në PD.
Çipa: Unë mendoj që nga pozita në të cilën e thotë Nishani, ndoshta ka të drejtë, por nga leximi që i bëjmë si qytetarë të këtij vendi, shohim se Berisha është influent mbi vendimmarrjet dhe qëndrimet politike të PD, qoftë përmes hijes së vet, qoftë edhe përmes ndikimit që ka në anëtarësinë apo në të zgjedhur të tjerë në forumet drejtuese të PD. Nuk ka asnjë dyshim që kjo gjë u vërejt edhe në momentin e kongresit zgjedhor të PD. Nga ana tjetër, pohimi i Berishës se do të riaktivizohet me një energji më të madhe të parlamentit të ardhshëm duke pranuar dhe këmbëngulur për të mbajtur mandatin e deputetit rishtazi, është një këmbëngulje politike që ka një nëntekst. Influencën e vet kërkon ta shfrytëzojë deri në çastin e fundit.
Dyrnjaja: Juve keni pasur një përplasje frontale për shkak të emërimit të vëllait tuaj sërish në një prej institucioneve drejtuese të policisë së shtetit, ishit emocionalë, doni t’i qëndroni ende atij qëndrimi dhe përballjes ligjore me zotin Berisha?
Çipa: Në jetën dhe aktivizmin tim politik dhe publik, politik në kuptimin qytetar të fjalës se unë politik s’kam qenë asnjë ditë dhe s’do të jem, nuk më karakterizon kurrë emotiviteti, por qëndrimi rigoroz ndaj principeve morale dhe së drejtës morale. Unë reagova si një qytetar dhe në cilësinë e bashkëfamiljarit në atë hapësirë virtuale ku ai kryen reagimin dhe komunikimin publik të tij. Iu përgjigja në mënyrën më të prerë dhe duke e vënë para përgjegjësisë, natyrisht do të ndodhë dhe si procedurë juridike. Nuk jam tërhequr nga padia dhe pres një reagim të tij se është përballë një shpifjeje të përsëritur.
Top Channel
