Furrat e gëlqeres mbeten problem shqetësues në Krujë për banorët, të cilët shpesh herë “pushtohen” nga tymi.
Top Channel ka siguruar pamjet e pasdites së sotme teksa vijon djegia dhe “tymi” duket se ka mbuluar Krujën e Fushë-Krujën, por lëndët helmuese mund të përhapen edhe mbi kryeqytet.
Shpesh herë, organet shtetërore kanë nisur hetime dhe kanë proceduar disa nga pronarët e këtyre furrave.
Tymërat e shkarkuara nga këto furra gëlqereje që funksionojnë prej vitesh në këtë zonë janë përgjegjëse për një pjesë të mirë të sëmundjeve të mushkërive, lëkurës si dhe rasteve me tumore.
Kohët e fundit, ka pasur rritje të shifrave të personave të prekur nga sëmundjet në rrethin e Krujës.
Top Channel
