Arrestimi i Ilir Metës, Partia e Lirisë njofton protestë para SPAK. Ish-presidenti letër nga qelia! 25/11 19:02
Në kuadër të vizitës në New York, Ministrja e Drejtësisë, Etilda Gjonaj u prit në një takim nga Presidenti i Asamblesë së Përgjithshme të Kombeve të Bashkuara, Volkan Bozkır.
Presidenti Bozkir përgëzoi Ministren Gjonaj për vullnetin dhe angazhimin e Qeverisë Shqiptare në luftën kundër korrupsionit, e shprehur në fjalën e saj në sesionin e posaçëm të Asamblesë së Përgjithshme.
Bozkir nënvizoi se deklaratat politike të mbajtura gjatë sesionit nga vendet anëtare të OKB-së tregojnë angazhimin e qeverive në luftën kundër korrupsionit.
Ministrja Gjonaj shprehu falënderimet e saj për organizimin për herë të parë të këtij sesioni nga OKB duke theksuar rëndësinë e përfshirjes në agjendën e Kombeve të Bashkuara të luftës kundër korrupsionit, për shkak të impaktit të drejtpërdrejtë që sjell korrupsioni për paqen dhe sigurinë e vendeve anëtare veçanërisht kur ndërvepron me krimin e organizuar.
Ministrja Gjonaj theksoi se tashmë lufta kundër korrupsionit duhet konsideruar nga shtetet si një çështje përtej kufijve kombëtare dhe për këtë arsye bashkëpunimi midis tyre është shumë i rëndësishëm.
Ministrja Gjonaj i bëri me dije Presidentit Bozkir se Qeveria Shqiptare ka në prioritetet e saj kryesore konsolidimin e shtetit ligjor, nëpërmjet reformimit të sistemit të drejtësisë ashtu si edhe në luftën kundër korrupsionit, për të cilat janë arritur rezultate domethënëse.
Pjesë e diskutimeve të këtij takimi ishin edhe hapat përpara që Shqipëria ka bërë në kuadër të procesit të integrimit evropian.
Presidenti Bozkir inkurajoi ministren Gjonaj, për të vijuar zbatimin e reformave të ndërmarra, me theks të veçantë atë në Drejtësi, pavarësisht sfidave për të garantuar të ardhmen e qytetarëve.
Top Channel
