“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Stërvitja ushtarake “Defender 21” zhvilloi sot një Ditë të Hapur në Tiranë pas një seri veprimtarish profesionale në pothuaj gjithë territorin e vendit.
Falë kësaj stërvitje në sheshin nënë Tereza u panë bashkë Presidenti Ilir Meta, Kryeministri Rama dhe ambasadorja Yuri Kim. Ndërkohë kryetari i opozitës ‘bojkotoi’ eventin.
Për këtë të fundit “VOA” shkruan se ambasadorja Kim kishte kërkuar që në ceremoninë e sotme të ftoheshin Presidenti i Republikës Ilir Meta dhe Kryetari i Partisë Demokratike, Lulzim Basha. Zoti Basha nuk ishte në këtë ceremoni, ndërsa presidenti Meta mori pjesë dhe mbajti edhe një fjalë përshëndetëse.
Mungesa e Bashës në këtë ceremoni dhe prezenca e presidentit vijnë në një kohë që opozita ka marrë disa ‘goditje’ si humbja e zgjedhjeve, kërkesat për dorëheqjen e kryetarit, zgjedhjet që do zhvillohen në parti dhe kulmuan më pas me shpalljen e ish-kryeministrit Sali Berisha dhe familjarëve non grata nga qeveria amerikane.
Pikërisht reagimi për këtë vendim nga ana e Presidentit Ilir Meta është cilësuar si sulm ndaj Amerikës. Meta e quan vendimin ndëshkues në emër të qeverisë amerikane, të sekretarit Blinken si “fletërrufe” e porositur nga regjimi i kleptokracisë në Tiranë.
E megjithatë sot ai, shtrëngoi duart me ambasadoren në takim, ndërsa kryeministri Edi Rama u kujdes të kishte një distancë të dukshme me të.
Ndërkohë siç duket Basha , me mungesën e tij, vendosi të jetë në një të njëjtat linja me reagimin e mëparshëm për Berishën ku apelonte për transparencë të plotë mbi çdo fakt e dokument që ka lidhje me këtë vendim.
“U njoha me keqardhje me vendimin e Sekretarit të Shtetit për ish Presidentin dhe ish kryeministrin Sali Berisha.
Duke nënvizuar qëndrimin e z. Berisha, i cili pasi shpreh keqardhjen për vendimin dhe e konsideron atë pa asnjë bazë konkrete, bëj thirrje për transparencë të plotë mbi çdo fakt e dokument që ka lidhje me këtë vendim.
Dr. Berisha është padyshim udhëheqësi shqiptar që ka dhënë kontributin më të çmuar për zhvillimin e vendit dhe forcimin e demokracisë, dhe çoi miqësinë dhe aleancën strategjike të Shqipërisë me SHBA në nivelet më të larta”, thoshte ndër të tjera Basha në reagimin e tij ditë më parë.
Top Channel
