Sot Dita Ndërkombëtare kundër Dhunës ndaj Gruas 25/11 09:02
Njëra prej rrugëve kryesore të Pazarit karakteristik, në Gjirokastër ka ende një kompleks godinash pothuajse të rrënuara.
Degradimi ka nisur vite më parë por të paktën 5 vitet e fundit ato kanë filluar të shembin edhe çatitë ndërsa objektet janë të mbushura me plehra.
“Pothuajse 60% e objekteve është gati për të rënë. Nuk është çështja vetëm për ne si biznese por po bëhet e rrezikshme edhe për njerëzit që kalojnë sepse është gati për të rënë. Ky kompleks këtu e ka projektin gati e ka bërë AADF-ja vetëm duhet ndërhyrë që të rregullohet”, thotë një qytetar.
“Rreziku i parë është për këto godina të amortizuara që mund të krijojnë edhe incidente me kalimtarët dhe e dyta është një fytyrë e keqe këtu në qendër të qytetit për promovimin e turizmit dhe imazhin e Gjirokastrës”, shprehet banori.
“Dorë kanë vënë vetëm dy dyqane këtu që kanë bërë restaurimet kurse gjithë zona tjetër është e prishur dhe në behar nuk mund të kalosh nga era e keqe”, tregon një tjetër qytetar.
Prania e shumë pronarëve për objektet e braktisura duket se ka qenë edhe një nga problemet kryesore që nuk ka inicuar restaurimin e tyre. Megjithatë ekspertët gjykojnë se nëse është ndërhyrë në 3/4 e pazarit nuk bën sens që vetëm 1/4 e tij të lihet në këtë gjendje. Disa prej tyre apelojnë për kredi të buta që do të shkonin për pronarët apo gjetjen e formave alternative për ti dhënë zgjidhje kësaj situata në zemër të qendrës historike.
Top Channel
