Reali kampion Ndërkontinental, madrilenët mundën në finale Pachucan me rezultatin 3-0, Ancelotti thyen rekordin 19/12 16:49
Java e 34-të e Superligës e cila do të luhet ditën e hënë, kur do të jetë edhe treni i fundit për Partizani, siç e përmend vetë trajneri Ilir Daja pasi ekipi i tij do të përballet me Teutën kryesuese që ndodhet 3 pikë përpara tyre.
Ndërkohë në Durrës trajneri Edi Martini nuk ka asnjë dyshim, skuadra e tij është më e mira dhe pavarësisht se i mjafton edhe 1 pikë do të luajnë për ta fituar takimin.
Veç çështjes së titullit e hapur mbetet edhe gara e zonës europiane. Tirana ende mbetet jashtë, por përball saj këtë javë është Laci, të cilin e ka rival direkt për këtë objekvit.
Ndërkohë për zonën e ftohtë janë në lojë 3 ekipe, por Skëndërbeu duket më i avantazhuari me përballjen e kësaj jave me Apolloninë e rënë nga kategoria.
Bashkë me korçarët për fundin e tabelës janë edhe Kastrioti që luan në Shkondër ndaj Vllaznisë apo Bylisi që udhëton drejt “Elbasan Arenës” ku e pret Kukësi. Të gjitha këto ndeshje do të keni mundësinë ‘ti ndiqni ditën e hënë drejtpërdrejtë dhe ekskluzivisht në Digitalb.
Top Channel
