Ftesë në 5/ Përlotet Arben Manaj, rrëfen për herë të parë për divorcet dhe jetën si gjysh 10/11 17:19
Ayanna Williams ka fituar rekordin botëror Guinness për thonjtë më të gjatë në botë, por së fundmi i ka dhënë fund ëndrrës duke i prerë ato.
Gjyshja amerikane me thonjtë më të famshëm ka hequr dorë nga hobi i saj me ndihmën e Dr. Allison Readinger të klinikës dermatologjike Trinity Vista në Texas.
Pas matjes së fundit, ekspertët përdorën një mjet me prerëse rrotulluese për procedurën.
Ayanna theu rekordin e mëparshëm të thonjve më të gjatë duke arritur gjatësinë totale 733.55 cm. Ajo thotë se nuk i kishte prerë thonjtë e saj që prej fillimit të viteve 1990-të.
Gruaja pranon se ishte një eksperiencë “emocionale, e lumtur dhe e hidhur”.
Edhe kur ishte fëmijë Ayannas i adhuronte thonjtë dhe zbukurimet e tyre.
Me to ajo kishte fituar rekordin Guinness që në vitin 2018 kur gjatësia e tyre ishte 576.4 cm.
Ayanna thotë se megjithë pasionin e saj, përballej me vështirësi të shumta në jetën e përditshme prej thonjve dhe tanimë ndjehet e çliruar.
Ajo thotë: “Me ose pa thonjtë unë jam përsëri mbretëresha. Mu nuk më bëjnë thonjtë, unë i bëj ato”.
Ayanna është mbajtës e rekordit për femrat ndërsa për burrat, Lee Redmond në SHBA mban rekordin me thonjtë prej 8.65 m gjatësi, të cilët i rrit prej vitit 1979.
Top Channel
