Një shtetas nga Kosova, është paraqitur në Pikën e Kalimit Kufitar, Muriqan, për të kaluar drejt Malit të Zi, me një pasaportë bullgare, që pas verifikimeve ka rezultuar e falsifikuar.
I arrestuari është shtetasi e iniciale E.J., banues në Kosovë të Mitrovicës. Rasti do të hetohet më tej nga prokuroria e Shkodrës.
Njoftimi i policisë:
Nga shërbimet e Pikës së Kalimit Kufitar Muriqan, në bashkëpunim me strukturat e DVP Shkodër, është arrestuar në flagrancë shtetasi E. J., 28 vjeç, banues në Mitrovicë, Kosovë.
Ky shtetas është paraqitur në Pikën e Kalimit Kufitar Muriqan, për të kaluar drejt Malit të Zi, me një pasaportë bullgare që nuk është njohur nga pajisjet elektronike që përdoren për verifikimin e dokumenteve.
Pas një kontroll të imtësishëm në vijën e dytë rezultoi se pasaporta që ka paraqitur ky shtetas ishte e falsifikuar. Gjatë kontrollit, këtij shtetasi iu gjet edhe pasaporta kosovare, me të cilën u bë i mundur identifikimi i tij.
Materialet iu referuan Prokurorisë së Rrethit Gjyqësor Shkodër, për veprën penale “Falsifikimi i letërnjoftimeve, pasaportave ose vizave”.
Top Channel
