BE dhe Seuli dënojnë përfshirjen e Koresë së Veriut në luftën ruse në Ukrainë, kërkojnë largimin e trupave nga Rusia 04/11 22:25
Mijëra të rinj Në Australi kishin mbushur sot plazhet për të festuar ditën kombëtare, duke shfrytëzuar një zbutje të rregullave kufizuese pas rënies së rasteve në kontinentin e largët.
Festuesit kishin zbarkuar në pikat e njohura turistike të bregdetit si Bondi Beach apo Gold Coast ku nisën të festonin pa distancë sociale apo maska.
Ndersa shumë të tjerë protestuan për mbajtjen e festës publike, duke zgjedhur të marshonin kundër aspekteve koloniale të historisë së vendit si abuzimet e përvetësimet kulturore, apo trajtimi i popujve aborigjenë.
26 Janari shënon ditën kur flota britanike hyri për herë të parë në gjirin e Sydney në 1788, për krinimin e kolonisë penale britanike nga e cila do te lindte Australia, duke e konsideruar vendin të papopulluar, megjithë shumë komunitete të vogla banorësh ‘indiane’vendas.
Për shumë australianë vendas aborigjenë, origjina e të ciëlve daton në ishull prej 50,000 vjetësh, kjo quhet ‘Dita e Pushtimit’.
Pesë njerëz u arrestuan sot në protestat anti-raciste ku bëhej thirrje për kthim të tokës banorëve vendas.
Ndërsa për pasardhësit e kolonizatorëve britanikë kjo është dita e festës dhe e krijimit të atdheut të tyre të ri. Ata festonin të papërmbajtur në plazhe mes temperaturave të nxehta.
Top Channel
