FOTO/ Një puthje në vendin intim, Renee Reffo “djeg” rrjetin me postimin e fundit
29/11 17:23
Cifti i martuar ne momentet e fundit
Një dasëm në Indi është “riformatuar” shpejt e shpejt pas arratisjes së papritur të dhëndrit me një të dashur të fshehtë, e cila kërcënonte se do të vetë-helmohej nëse burri martohej.
Zhvillimi i rrallë ndodhi në një dasmë të dyfishtë në krahinën indiane të Karnataka kur në një kthesë dramatike të ngjarjeve, një nga dhëndrat u largua fshehurazi pak momente para ceremonisë, por situata u zgjidh kur një nga të ftuarit pranoi të martohej me nusen e mbetur në altar.
Dy vëllezërit Ashok e Naveen po martoheshin në fshatin Tarikere më 3 janar.
Dhe normalisht një prej tyre zyrtarizoi lidhjen, por kur ceremonia nisi, Ashok nuk shihej gjëkundi. Siç u mësua më vonë, ai kishte një të dashur të fshehtë që kërcënonte se do të vetë-helmohej nëse ai kryente ceremoninë.
Nusja e trishtuar e Ashok, Sindhi, mbeti duke qarë në mes të ceremonisë.
Siç raporton rrjeti lokal Bangalore Mirror, familja e Sindhu arritën të gjenin dikë që pranonte të martohej me të, duke çuar deri në fund ceremoninë e pazakontë.
Pas diskutimeve, një burrë i quajtur Chandrappa, faturino autobuzi në transportin publik të Bangalore pranoi të martohej me Sindhu.
Zhvillime të tilla dramatike nuk janë diçka e re për rajonin. Në vitin 2019, një tjetër nuse indiane nga Sironj në rajonin Madhya Pradesh, u arratis me burrin që dihet të drejtonte ceremoninë e martesës së saj me një tjetër.
Prifti i quajtur Vinod Maharaj i cili ishte i martuar e me dy fëmijë, nuk mori vetëm nusen 21-vjeçare por dhe bixhuteritë e dasmës me vlerë rreth 2000 euro dhe rreth 30 000 rupi (400 euro) para të thata.
Top Channel
