Rusia fillon vaksinimin masiv kundër COVID-19

Rusët po imunizohen me vaksinën “Sputnik V”, të zhvilluar nga Instituti i Kërkimit Gamaleya i Epidemiologjisë dhe Mikrobiologjisë.

Njerëzit e profesioneve sociale, përfshirë mësuesit dhe mjekët si dhe punonjësit e transportit publik dhe personeli ushtarak do të marrin vaksinën të parët.

Disponueshmëria e vaksinës aktualisht është e kufizuar sepse prodhimi i saj është duke u rregulluar. Kur procesi të fillojë me kapacitet të plotë, të gjithë rusët do të marrin një vaksinë falas të koronavirusit, theksuan autoritetet.

Moska është qyteti i parë që hapi pikat e vaksinimit të shtunën. Por, vaksinimi masiv në shumicën e rajoneve filloi më 7 dhjetor.

“Duhet ta rrokullisim të gjithë këtë proces duke përpunuar çështjet e regjistrimit dhe logjistikës online”, thonë autoritetet.

Me fillimin e sezonit vjeshtë-dimër, Rusia përjetoi rritje masive në përhapjen e virusit. Numri i rasteve ditore u rrit pothuajse gjashtë herë, nga 5.000 në shtator në mbi 28.000 në dhjetor, me numrin e të vdekurve që do të rritet në mënyrë dramatike.

Trendi vazhdon pasi gjatë ditës së kaluar Task forca e emergjencave të vendit regjistroi 28.142 raste të reja, duke çuar numrin e rasteve aktive në 488.727 dhe numrin e përgjithshëm në mbi 2.48 milionë. Gjatë periudhës së njëjtë, rikuperimet u rritën me 18.850 për të arritur në 1.95 milionë ndërsa numri i të vdekurve u rrit me 456 për të arritur në 43.597.

Për të ngadalësuar përhapjen e sëmundjes, presidenti rus Vladimir Putin urdhëroi javën e kaluar të fillonte vaksinimi masiv kundër COVID-19.

Sipas ekspertëve shëndetësorë, të paktën 40 milionë njerëz duhet të vaksinohen në të gjithë vendin për të frenuar rritjen e mëtejshme të virusit.

Rusia u bë vendi i parë në botë që regjistroi vaksinë kundër koronavirusit për përdorim publik. Më vonë e quajtur “Sputnik V”, vaksina u quajt Gam-COVID-Vac (Gamaleya COVID Vaksina).

Menjëherë pas regjistrimit të “Sputnik V”, autoritetet dhanë leje për përdorimin masiv të një vaksine tjetër, i zhvilluar nga Instituti Vektor i Virologjisë dhe Bioteknologjisë me bazë në Novosibirsk.

Të dy vaksinat do të administrohen përmes dy injeksioneve. Aktualisht ato janë të autorizuara për njerëz të moshës midis 18 dhe 60 vjeç dhe mund të kombinohen me antigjene të tjera, përfshirë ato që përdoren kundër gripit.

Kostoja e kompletit me dy përbërës është 1,945 rubla (rreth 26 dollarë)./AA/

Top Channel