Mediat kanadeze padisin inteligjencën artificiale OpenAI për shkelje të të drejtës së autorit (fotot)
29/11 21:55
Dy fëmijë në Afrikë
Një raport i Rrjetit për Parandalimin e Krizës Ushqimore (RPCA) informon se në Afrikën Perëndimore 16 milionë njerëz luftojnë me pasigurinë ushqimore.
Në raportin e organizatës thuhet se Afrika Perëndimore është përballë një krize më serioze të ushqimit të viteve të fundit.
Sipas raportit që nga tetori 16,7 milionë persona në Afrikën Perëndimore dhe rajonin e Sahel-it janë duke luftuar me pasigurinë ushqimore, duke paralajmëruar se ky numër mund të rritet në 24 milionë në periudhën qershor-gusht të vitit 2021, para sezonit të korrjes, kur qasja në ushqim është më e vështirë.
Në raport shkaku kryesor i krizës së ushqimit tregohet problemi me sigurinë, ndërsa është rikujtuar se 9,2 milionë njerëz aktualisht janë në rrezik të urisë vetëm në Nigeri. Në Burkina Faso e cila shpesh herë është nën shënjestër të sulmeve terroriste ky numër është 2 milionë.
Më tej theksohet se pushtimi nga karkalecat për shkak të ngrohjes globale gjithashtu shkaktoi dëme serioze në tokat bujqësore dhe është faktori i dytë më i rëndësishëm që shkaktoi krizë ushqimore.
Top Channel
