Përplasen dy trena pranë Bratislavës, raportohet për shumë të lënduar 09/11 20:59
Rusia ka nisur një seri stërvitjesh ushtarake me Kinën dhe aleatë të tjerë të saj mes shqetësimit në rritje mbi tensionet e reja me Perëndimin. Më e madhja e këtyre manovrave Kaukaz -2020, filloi në Rusinë e Jugut me stërvitje tokësore dhe detare që përfshijnë një total prej 80,000 perdonash e më shumë se 12,000 trupa.
Kina, Irani dhe Birmania po marrin pjesë së bashku me disa vende ish-Sovjetike duke përfshirë Bjellorusinë.”Këto stërvitje janë prova më e madhe vjetore e gatishmërisë së forcave të armatosura ruse për t’u përfshirë në një konflikt në shkallë të gjerë,” i tha AFP-së analisti ushtarak Vasily Kashin.
Manovrat që zgjasin deri të shtunën dhe përfshijnë zhvendosje detare në Detin e Zi dhe në Kaspik janë organizuar “për nivelet më të larta të udhëheqjes ushtarake”, tha ai. Sipas ministrisë ruse të mbrojtjes, deri në 250 tanke dhe rreth 450 automjete luftarake e transportues të blinduar po marrin pjesë në stërvitje së bashku me sistemet e artilerisë dhe raketahedhëse.
Forcat ruse do të testojnë gjithashtu flakëhedhëset TOS-2 që parakaluan në Sheshin e Kuq të Moskës gjatë festimeve të Ditës së Fitores në muajin qershor. Presidenti rus Vladimir Putin e kthyer forcimin e ushtrisë një njërën prej përparësive kryesore të qeverisjes së tij 20-vjeçare.
Top Channel
