E premtja vendimtare! Kabineti izraelit do hedhë në votim miratimin e marrëveshjes së armëpushimit 16/01 20:48
Autorja e filantropistja MacKenzie Scott, i ka shtuar së fundmi një tjetër titull vetes, atë të gruas më të pasur të botës.
Sipas indeksit të milionerëve të rrjetit Bloomberg, Scott, më parë e martuar me kreun e rrjetit Amazon (njeriu më i pasur në botë), Jeff Bezos, ka lënë prapa tashmë trashëgimtaren e L’Oréal, Francoise Bettencourt Meyers, me një pasuri neto prej $68 miliardë.
Scott raportohet se ka ndihmuar ish-burrin në ngritjen e perandorisë së Amazon gjatë 25 viteve të martesës së tyre, dhe gjithashtu mori 4 për qind të aksioneve të Bezos në kompani, sipas marrveshjes së divorcit në 2019.
Kjo copë aksionesh llogaritej në $35 miliardë asokohe, por pandemia që ka shkatërruar ekonomitë e miliona familjeve, i ka bërë të pasurit akoma më të pasur, teksa Bezos arriti kulmin e tij sipas financierëve kur fitoi në një ditë të vetme në korrik $13 miliardë.
Scott është zotuar të përdorë shumicën e pasurisë së saj për bamirësi. Në fillim të vitit ajo tha se ka dhuruar 1.7 miliardë për 116 organizata bamirësie, në dobi të barazisë gjinore dhe luftës kundër ndryshimeve klimatike.
Top Channel
